Mơ̆ng thun 2021 truh ră anai, tơring čar hơmâo pơhrŏ dua boh anom gưl tơring čar, 23 boh anom bruă pơphô bruă gưl Gơnong bruă ƀơi tơring čar, 20 boh anom gah sang bruă gưl gah yŭ gơnong bruă amăng sang bruă kơnuk kơna, ngă giong hăng pơsit glăi mrô mơnuih mă bruă amăng djop sang bruă, anom bruă ƀơi tơring čar; čih dăp hơdră pơmut glăi gơnong bruă Pơtom hiăp tơring čar  hrŏm anom bruă kơ Jơnum min mơnuih ƀôn sang tơring čar, lăi pơthâo kơ anom bruă gưl hơmâo tơlơi dưi pơsit.

Mơ̆ng thun 2022-2024, tơring čar hơmâo pơhrŏ hĭ 351 čô mơnuih apăn bruă ngă khua. Laih dơ̆ng, khul khua mua ping gah ƀoiw anom bruă Jơnum min mơnuih ƀôn sang hơmâo git gai brơi jŭ yap glăi, lăi pơthâo kơ anom bruă hơmâo tơlơi dưi ĕp lăng pơmut glăi, pơčlah hơdôm boh sang bruă tui hluai gah glông bruă tơlơi thâo hơmâo pơkă mơ̆ng kơnuk kơna. Thun blan pơ anăp, tơring čar Gia Lai him lăng pơhrŏ dơ̆ng 6 boh gơnong bruă, 21 boh anom gah gơnong bruă gưl tơring čar hăng 30 boh anom bruă gah yŭ gơnong bruă, kiăng ngă bruă hơbôt hloh amăng bruă kơnuk kơna dŏ glăi 104 boh sang bruă.