Rơđah biă mă ñu, ơi Nguyễn Trường Sơn, Khua hơđăp Gơnong bruă Jơlan glông hăng Pơdŭ pơgiăng, dưi ruah ngă khua Gơnong bruă Man pơdong tơdơi kơ pơmut glăi hĭ hăng Gơnong bruă Jơlan glông. Hơdôm kơ-iăng khua gơnong bruă hơmâo ơi Lý Tấn Toàn, ơi Trần Đình Sơn, ơi Hà Anh Thái. Ơi Đỗ Việt Hưng, khua hơđăp Gơnong bruă Man pơphô hăng tuh pơ alin, dưi ruah ngă khua Gơnong bruă Prăk kăk tơdơi kơ pơmut hrŏm hăng Gơnong bruă prăk kăk.

Ơi Lưu Trung Nghĩa, Khua gơnong bruă Ngă hmua hăng pơđĭ kyar plơi pla hơđăp, ngă Khua Gơnong bruă đang hmua phrâo tơdơi kơ pơmut hrŏm hăng Gơnong bruă kông ngăn lŏn glai ayuh hyiăng. Ơi Nguyễn Bá Thạch dưi ruah ngă Khua Gơnong bruă Djuai ania hăng Tơlơi đăo. Bruă dăp glăi hăng pơhrŏ mrô mơnuih apăn bruă ƀơi gơnong bruă, anom bruă tơring čar Gia Lai ngă djơ̆ jơlan hơdră pơhrŏ mrô mơnuih apăn bruă, pơđĭ tui boh tŭ yua amăng bruă mă gong gai kơnuk kơna tui hăng Hră pơtrun mơ̆ng ping gah dêh čar.