Jơnum min mơnuih ƀon sang tơring čar Gia Lai phrâo pơphun Jơnum pơlăi nao rai ƀơi anăp kơplah wah Khua Jơnum min mơnuih ƀon sang tơring čar  hăng ƀing ding kơna hlăk ai thun 2026. Amăng mông jơnum, hlăk ai Gia Lai ba tơbiă lu hơdră bruă bơdjơ̆ nao bruă mă, pơphun bơwih ƀong, pơplih mrô hăng pơđĭ kyar tuai čuă ngui. Hơdôm tơlơi pơgôp hiăp đing nao pơhưč mơnuih mă bruă thâo yua boh thâo ia rơgơi glăi pơ kual tơnap tap; ĕp brơi bruă mă ƀơi anih, pok phư bruă djru čan prăk brơi ƀing hlăk ai phrâo pơphun bơwih ƀong; pơđĭ kyar tuai čuă ngui pơ đang glai-ia rơsĭ; pơplih mrô amăng bruă ngă hmua hăng djă pioh gru grua čing hơgor pơlir hăng bơwih ƀong hơđong kjăp.

Khua Jơnum min mơnuih ƀon sang tơring čar Gia Lai Phạm Anh Tuấn rơkâo ƀing hlăk ai tŏ tui ba jơlan hlâo amăng mă yua boh thâo phrâo, pơplih mrô, thâo mă yua boh thâo ia rơgơi; laih dong khin hơtai amăng pơphun bơwih ƀong, mă yua klă hơdôm tơlơi gal “kual kơdư-hang ia rơsĭ-guai lŏn ia-tơdrun kompăn”.