Amăng 3 blan tal 1 thun 2023, rơnoh đĭ kyar mơng gơnam tam ƀơi Gia Lai him lăng hơmâo 5,91%, prăk pơhrui hơmâo giăm 1.700 klai prăk. Nua gơnam mơng hmua - kyâo, măi mok hăng bruă bơwih brơi lêng kơ klă soh. Khă hnun, abih 3 blan tal 1, Gia Lai brơi prăk tuh pơ plai bruă kơnuk kơna kơnong hơmâo giăm 6% đôč yua tơnap mơng bruă čuk pơkra lŏn, ngă hră pơ-ar kaih; bruă ngă soh tơlơi phiăn pơgang glai rưng ăt lu mơn.

Ƀơi mông jơnum, ơi Trương Hải Long - Kơ-iăng khua git gai Ping gah tơring čar, Khua jơnum min mơnuih ƀon sang tơring čar Gia Lai kiăng hơdôm gơnong bruă, tơring glông pơƀut pơsir hĭ tơlơi ngă gun, ngă klă hơdôm jơlan hơdră rŭ glăi tơlơi bơwih ƀong huă, 3 jơlan hơdră Bruă dêh čar pơtrun hăng hơdôm bruă kiăng ngă, tơlơi pơsit akŏ bruă kiăng ngă mơng Ping gah tơring čar.