Tui anun, hlâo lơ 20/4, Gơnong bruă man pơphô hăng tuh pơ alin Gia Lai ngă giong laih hră pơ-ar lui hĭ bruă man pơkra tơdron pah golf Đăk Đoa; Gơnong bruă prăk Gia Lai hơmâo ngă giong laih hră pơ-ar lui hĭ pơkă nua lŏn , tơlơi dưi mă yua lŏn tơnah pioh pơkra tơdron pah gôl.

Ăt amăng blan 4/2023 mơn, hơdôm gơnong bruă Man pơphô hăng tuh pơ alin, Gơnong bruă prăk, Man pơdong, Kông ngăn lŏn tơnah hăng ayuh hyiăng lŏn adai laih anun Jơnum min mơnuih ƀon sang tơring glông Đăk Đoa ngă hrŏm gum pel ĕp, lăng glăi abih bang hră pơ-ar tuh pơ alin, hră pơsit tuh pơ alin, pơkă nua lŏn tơnah hăng jao mă yua lŏn tơnah, hră mă yua lŏn tơnah hăng bruă brơi prăk kăk ƀơi hơdôm kơčăo bruă. Rơngiao kơ anun dong, Jơnum min mơnuih ƀon sang tơring čar Gia Lai ăt kiăng Gơnong bruă man pơphô hăng tuh pơ alin ngă giong hră pơ-ar rơkâo đĭ Jơnum min mơnuih ƀon sang tơring čar Gia Lai, lăi pơthâo glăi hăng Khul khua git gai Ping gah tơring čar, laih anun ngă bruă hăng hơdôm ding jum bơdjơ̆ nao kơ bruă lăi pơthâo hăng Khua dêh čar pơhrui glăi hră tuh pơ alin man pơkra tơdron pah golf Đăk Đoa.