Gia Lai tuh pơ alin 810 klai prăk man pơdong 3 ring bruă pơđoh ia
Thứ tư, 07:16, 24/06/2026
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV.Jarai-Jơnum min mơnuih ƀôn sang tơring čar Gia Lai phrâo lăi pơthâo bruă mă ječ ameč amăng thun 2026, amăng anun pơtong rơđah tuh pơ alin 3 ring bruă pơđoh hnoh ia prong hăng abih tih rơnoh prăk tuh pơ alin 810 klai prăk, sa bruă mă phun kơ bruă ngă hmua.
Hơdôm ring bruă hơmâo dơnao pơkong ia Djang ƀơi să Kƀang, dơnao pơkong Ka Tung ƀơi să Tơtung hăng dơnao pơkong ia Đak Trau Dle ƀơi să Kon Chiêng.
Lơ̆m ngă giong, djop ring bruă anai djru brơi ia bruih djop 2.400 hektar lŏn ngă hmua, pơhlom brơi ia yua djop hơdôm rơbâo boh sang anŏ laih dơ̆ng djru pơhlom ia ling dăo truh, pơblih ngă hiam anih hơdip jum dar kiăng plai ƀiă khuer mă ia amăng gŭ lŏn. Hơdôm kơčăo bruă anai dưi djă pơkong rơbêh 10 klăk met khô̆i ia, dưi pok pơhai mơ̆ng thun 2026 truh thun 2030, ngă djơ̆ tơlơi phiăn pơkă tuh pơ alin plah wah kơnuk kơna hăng sang bruă man pơkra, kual lŏn mơnai, kông ngăn ia yua hăng pơgang anih hơdip jum dar.
Viết bình luận