Amăng mông bơkơtuai, hơdôm tơlơi gum pơhiăp lăi lĕ, kual Dăp Kơdư hmâo hơdôm anô̆ pha ra, biă ñu hơdôm tơlơi gru grua, rô hyu dô̆, jing kual hmâo lu djuai ania ƀiă, lŏn kyâu hmâo lu... Yua anun, ƀơi sa dua bôh yôm khom pơkă rơđah hăng ƀu bơrơkua hăng hơdôm tơlơi phiăn pơkon. Biă ñu lĕ wai lăng lŏn ngă đang hmua, đang kyâu, hơdră bruă lŏn pioh kơ neh wa djuai ania ƀiă, pơkă nua lŏn djơ̆ hăng nua pơkă sĭ mơdrô hrom.

Pơhiăp amăng mông mă bruă, Kơ-iăng Khua Ding jum Kông ngăn dlai tlô hăng Rơhuông adai lŏn mơnai Lê Minh Ngân brơi thâo, truh ră anai, hơdôm bôh tơring čar ƀôn prong amăng đơ đam dêh čar hmâo mă yua laih Kơčăo bruă pok pơhai mă tơlơi gum pơhiăp mơnuih ƀôn sang pioh kơ hră čih pơkra Tơlơi phiăn lŏn drŏn (pơplih pơkra). Lu anih anom pok pơhai truh gưl să. Tui hăng ơi Lê Minh Ngân, Ding jum Kông ngăn dlai tlô hăng Rơhuông adai lŏn mơnai amra tañ mơ-ĭt Tơlơi lăi pơthâo glăi mă tŭ tơlơi gum pơhiăp mơnuih ƀôn sang kơ hră čih pơkra Tơlơi phiăn mơng hơdôm anih anom, Ding jum gơnong bruă kơ Jơnum min bơwih ƀong, Jơnum min Tơlơi phiăn mơng Khua pơ ala mơnuih ƀôn sang kơ bruă tŭ mă, pơblang tơlơi gum pơhiăp mơnuih ƀôn sang mơng ƀirô čih pơkra./.