Tui hăng yă Đào Thị Thu Nguyệt – Kơ-iăng Khua Gơnong bruă sĭ mơdrô tơring čar Gialai, prăk pơhrui glăi mơng gơnam sĭ kơ dêh čar tač rơngiao đĭ hloh amăng 2 blan akô̆ thun lĕ yua kơ sa dua anih anom blơi gơnam hmâo lui hĭ hơdră Zero Covid. Tŭ mă tơlơi gal anai, hơdôm bôh anom bơwih ƀong mơng Gialai hmâo prăp lui laih gơnam pioh sĭ.

Amăng hơdôm gơnam sĭ anun mơng Gialai, biă ñu kơ phê, kơ su wot gah mrô hăng nua ñu. Kơnong kơ kơ phê ăt hmâo mơn giăm truh 90% mrô nua sĭ gơnam mă mơng đang hmua. Hrom hăng anun, thun anai, mrô gơnam bôh troh hăng gơnam mă mơng phun bôh sĭ kơ dêh čar tač rơngiao ăt đĭ lu mơn gơnang kơ bruă tơring čar dưi tŭ yap rơbêh kơ 150 mrô kual pla hăng anih anom anung gơnam. Amăng anun, hơdôm mơta gơnam dưi sĭ kơ dêh čar tač rơngiao lu lĕ pơtơi, bôh kruăi hrĕ./.