Ngă tui 6 mơta tơlơi Wa Hồ pơtô khul Kông ang mơnuih ƀôn sang, hơdôm hrơi rơgao, Kông ang Gialai hơkrŭ pơsir na nao djop tơlơi tơnap, đing nao pơgang pơhlôm hơdôm tơhnal pơkă phun hăng ngă kơtuă ƀing ngă soh, pơgang rơnuk rơnua, hơđong hăng pơdŏng khul. Kiăo tui anun, Kông ang tơring čar hmâo gơgrong hlâo pok pơhai ha amăng plĕ, khut khăt hơdôm bruă mă, jơlan gah, hmao tlôn pơsir hơdôm tơlơi ƀuh rơđah hloh gah pơgang rơnuk rơnua, hơđong; pơsir hmao tlôn hơdôm kơđi tơlơi bơrơsua, tơlơi bơrơdjơ̆ amăng mơnuih ƀôn sang, ƀu pioh jing “anih hang tơngia” glêh tơnap gah tơlơi rơnuk rơnua, hơđong.

Ƀuh, pơgăn hăng ngă pơrai lu jơlan ba mơnuih djuai ania ƀiă găn rơgao guai lŏn ia, pơsir lu mơnuih ngă soh gah tơlơi rơnuk rơnua lŏn ia. Hrom hăng anun, Kông ang tơring čar Gialai ăt ngă giong djơ̆ rơnoh mơn Rơwang bruă bơwih ƀong huă, pơsit brơi hăng wai lăng hră Căn cước công dân... Amăng mông ngă lơphet hơdor glăi, 2 grŭp, mơnuih dưi čơkă mă Hră bơni mơng Khua Ding jum Kông ang; 20 grŭp, mơnuih dưi čơkă mă Hră bơni mơng Khua Jơnum min mơnuih ƀôn sang tơring čar Gialai hăng 50 grŭp, mơnuih dưi čơkă mă Hră bơni mơng Khua Kông ang tơring čar Gialai yua kơ hmâo bôh than prong amăng bruă bơkơtưn ngă tui 6 mơta tơlơi Wa Hồ pơtô khul Kông ang mơnuih ƀôn sang./.