Group T&T brơi thâo hlăk kơsem min tuh pơ alin man pơdong plơi prong phrâo gah ngŏ Ƀuôn Ma Thuôt prong 680 ha, rơnoh prăk abih tih 44.000 klai hăng kual plơi prong gah ngŏ jơlan bĕ mơ̆ng jơlan prong mrô 1 dêh čar ƀơi phường Tuy Hòa, phường Bình Kiến hăng rơnoh prăk 20.100 klai. Sang bruă mơdrô ăt kiăng pơđĭ kyar pơkra apui yua pơkĕ hăng jua angin, pil pơ-iă yang hrơi ƀơi Dak Lak črăn phrâo dơ̆ng.

Group T&T lăng yom biă mă Dak Lak hơmâo lu tơlơi gêh găl pơđĭ kyar  bruă ngă hmua pla pơjing, ming pơkra apui yua mơ̆ng jua angin rơgoh, sĭ mơdrô, bơwih brơi tuai čuă ngui; laih dơ̆ng ƀuăn kơsem min tong ten tuh pơ alin kiăng ba glăi boh tŭ yua hăng djơ̆ găl pơđĭ kyar ƀơi tơring čar. Lăng yom anŏ kiăng mơ̆ng Group anun, ơi Lương Nguyễn Minh Triết, Khua git gai ping gah tơring čar Dak Lak  lăi lĕ, bruă sang mơdrô prong anai hyu sem lăng, rơkâo tuh pơ alin lu kơčăo bruă pơprong, sa tơlơi mơak kơ tơring čar. Ñu ăt rơkâo djop sang bruă kơnuk kơna amăng tơring čar ăt gum hrŏm, pơtrut tañ ngă hră pơar brơi kơ djop kơčăo bruă anai tañ tuh pơ alin ngă tui mơtam.