Grup čih pơkra hră pơ-ar yôm Jơnum ping gah tal 14 ngă bruă hăng Anom bơwih ƀong Dêh čar
Thứ bảy, 09:32, 09/03/2024
VOV/Siu H'Mai pơblang
VOV/Siu H'Mai pơblang
VOV4.Jarai - Tlam tom brơi (lơ 8/3), ƀơi Hà Nội, Grup čih pơkra Tơlơi pơtrun Jơnum ping gah tal 14 yua ơi Nguyễn Xuân Thắng, Ding kơna Ding jum kơđi čar, Khua Sang hră Kơđi čar gưl dêh čar Hồ Chí Minh, Khua khul tơlơi pơtô djơ̆ Ping gah, khua apăn bruă Grup čih pơkra, Khua grup dăp hră čih pơkra hră pơ-ar yôm Jơnum ping gah tal 14 ngă Khua ba jơlan, hơmâo ngă bruă hăng Anom bruă Bơwih ƀong Dêh čar.
Ƀơi mông ngă bruă, ƀing khua pơgôp hiăp sit nik, kiăng bruă čih pơkra Hră pơ-ar yôm, tơlơi pơtrun Jơnum ping gah tal 14, amăng anun pơƀut lăi nao tơlơi pơđĭ kyar bơwih ƀong huă - mơnuih mơnam mơ̆ng akŏ rơwang bruă truh ră anai; ngă rơđah tơlơi đĭ kyar phrâo, tơlơi gêh gal, lông lăng hăng hơdôm bruă kiăng pơsir; pơsit hơdră ngă bruă pơđĭ kyar pơ anăp. Pơhiăp ƀơi mông Jơnum, ơi Nguyễn Xuân Thắng lăi, amăng hrơi blan pơ anăp, hrŏm hăng pơƀut ngă khut khăt, tŭ yua hloh bruă kơsem min, rơkâo đĭ hăng Ping gah jơlan hơdră ngă bruă, hơdră đĭ kyar bơwih ƀong huă - mơnuih mơnam, Anom bruă Bơwih ƀong huă Dêh čar kiăng ngă bruă beč bal, pơgôp hiăp čih pơkra hră pơ-ar pơdah thâo amăng mông Jơnum ping gah tal 14.
Viết bình luận