Tui hăng ơi Jensen, bruă phun đing nao tal rai čuă jơmư anai kiăng hơduah ĕp bruă pơtom hiăp lu hloh kơ jơlan hơdră pơtom hiăp hăng pơgang rơnuk rơnua kah hăng kơtưn ngă hrŏm plah wah dua bơnah sang bruă khua pơ ala mơnuih ƀôn sang dêh čar amăng rơnuk bruă kơđi čar hlăk pơblih hmar kah hăng ră anai. Amăng tal rai čuă jơmư anai, Jơnum min Jơlan hơdră pơtom hiăp mơ̆ng Khua git gai pơ ala mơnuih ƀôn sang dêh čar Đan Mạch bưp hăng pơčrong sai tom khua mua pơ ala mơnuih ƀôn sang laih anun kơnuk kơna Việt Nam kơ hơdôm mơta bruă kơđi čar, jơlan hơdră pơtom hiăp hăng pơgang rơnuk rơnua tong ten hloh plah wah khua mua pơ ala mơnuih ƀôn sang dêh čar dua bơnah đing nao.

Lơ 3/3, grup Jơnum min jơlan hơdră pơtom hiăp dêh čar Đan Mạch hơmâo mông jơnum hăng Jơnum min wai lăng gah ling tơhan, jơnum min pơtom hiăp sang bruă khua pơ ala mơnuih ƀôn sang Việt Nam. Ƀơi mông jơnum anai, dua bơnah pơtum nao kơ bruă pơčrong sai tơlơi pơhing ƀơi rŏng lŏn tơnah hăng amăng kual, hơdôm tơlơi hơmâo ƀơi lu bơnah ngă hrŏm, tơlơi phiăn jar kmar, tơlơi rô nao rai giăng mah Việt Nam-Đan Mạch hăng Việt Nam-EU.