Amăng mông mă bruă, ơi Trần Việt Trường pơsit yôm bruă prăp lui mơ̆ng tơring čar Kon Tum kơ mông mă bruă; lăng ƀuh tơring čar Kon Tum dô̆ hmâo lu tơlơi tơnap tơlơi lông, akă ngă abih anô̆ gal, tŭ yua; akă hmâo hơdră bruă phara ha jăn; ƀu hmâo ngăn rơnoh pioh gum hrŏm ngă tui hơdôm jơlan hơdră... Grŭp pel ĕp mrô 1922 mơ̆ng Ding jum kơđi čar ăt čih pioh mơn lu tơlơi sit nik lơm ngă tui Klah čun mrô 123 mơ̆ng Grŭp mă bruă Ping gah dêh čar hăng Tơlơi pơtrun pơsit mrô 57 mơ̆ng Ding jum kơđi čar.

Tơring čar Kon Tum rơkâo Khua pơ ala mơnuih ƀôn sang dêh čar tañ pel ĕp, mă yua Tơlơi pơtrun pơsit kơ sa dua hơdră pơkă, hơdră bruă phara ha jăn pơđĭ kyar kual Dap Kơdư tui pran jua Tơlơi pơtrun pơsit mrô 23 mơ̆ng Ding jum kơđi čar kơ jơlan gah pơđĭ kyar bơwih ƀong – mơnuih mơnam hăng pơhlôm pơgang lŏn ia, rơnuk rơnua plơi pla kual Dap Kơdư truh thun 2030, tơhnal lăng nao truh thun 2045; rơkâo Khua dêh čar, Ding jum man pơdŏng tañ đing nao, pel ĕp brơi hơdră pơtrun pok pơhai tuh pơplai rơwang bruă jơlan đuăi hmar Quảng Ngãi – Kon Tum kiăng gal brơi kơ 2 tơring čar pơđĭ kyar./.