Ƀơi anih tô nao rai ƀut 1 – Anom pơhrăm dêh čar mrô 4, Mỹ Đức, Hà Nội, Đại tướng Nguyễn Tân Cương, Khua pơphô bruă Khul ling tơhan dêh čar Việt Nam, Kơ-iăng Khua Ding jum Khul ling tơhan nao pơhmư̆. Ƀơi anih tô nao rai ƀut 1 hăng rơbêh kơ 1.500 čô tơhan, ling tơhan, tơhan plơi, tơhan pơgang mă pô amăng hơdôm khul khăn gru Ping gah – khăn gru lŏn ia, khul đah kơmơi tơhan juăt adôh suang, khul ƀơi kơdư, khul tơhan ia rơsĭ, khul tơhan pơgang rơhuông adai, khul tơhan polih ia rơsĭ, khul tơhan đah kơmơi pôr pơhing, khul tơhan đah kơmơi mă bruă ia jrao, wai lăng tơlơi rơnuk rơnua Việt Nam, khul tơhan ƀơi rŏng lŏn, tơhan rơdêh sar, tơhan mă bruă hơdeč, tơhan plơi đah kơmơi kual Kơdư dêh čar khul djă khăn gru hăng khul dô̆ dŏng hơbit.

Pel ĕp amăng mông gum hrŏm pơhrăm Đại tướng Nguyễn Tân Cương bơni pran jua pơhrăm mơ̆ng mơnuih apăn bruă tơhan, ling tơhan, khă hnun hai Khua pơphô bruă ăt črâo tơbiă mơn sa dua mơta kiăng pơsir. Grŭp tơhan rơbat trui, rơbat dar hyu amăng mông ngă lơphet hơdor glăi pioh pơdah glăi tơlơi hur har mơ̆ng Bruă ngă hơkrŭ hăng tơgŭ hơkrŭ bơyan Bơnga thun 1975 mơ̆, prong hloh lĕ bruă blah djă anăn Hồ Chí Minh hmâo truh kih abih bang amăng yang hrơi dŏng 30/4/1975./.