Ha mơkrah rơnuk thun lăng glăi tơlơi tlaih rơngai Đức Lập, anih pok phun bruă blah ayăt Dap Kơdư
Thứ ba, 10:29, 04/03/2025
VOV Tây Nguyên/Siu H' Prăk pơblang
VOV Tây Nguyên/Siu H' Prăk pơblang
VOV4.Jarai - Anăp nao hơdor glăi 50 thun hrơi tlaih rơngai đơ đam kual Dơnung dêh čar, pơlir hơbit lŏn ia, čơtlăm tom brơi (3/3), Sang hră pơtô bruă Kơđi čar – Ding jum Khul ling tơhan gum hrŏm hăng Jơnum min mơnuih ƀôn sang tơring čar Dak Nông pơphun Bơkơtuai bôh thâo phrâo “Tlaih rơngai Đức Lập – ha mơkrah rơnuk thun lăng glăi” hăng tơlơi gum hrŏm mơ̆ng lu mơnuih juăt bruă, mơnuih kơsem min bôh thâo phrâo gru grua, ƀing mơnuih ngă gŏng kơ gru grua đưm.
Lơ 9/3/1975, gah yŭ tơlơi git gai mơ̆ng Ping gah, ƀơi anăp lĕ Ping gah Khul ling tơhan, Ding jum Khul ling tơhan dêh čar, Ƀirô pơtrun bruă blah ayăt ƀơi Dap Kơdư, tơhan hăng mơnuih ƀôn sang ta hmâo gum hrŏm, kơsung nao, tlaih rơngai Đức Lập.
Tui ƀing khua pơ ala nao pơhmư̆ mông bơkơtuai, 50 thun găn rơgao, samơ̆ Tlaih rơngai Đức Lập truh ră anai ăt dô̆ anô̆ yôm hăng pioh glăi tơlơi lăng nao bruă găn rơgao amăng pơgang lŏn ia. Hrŏm hăng anun, tlaih rơngai Đức Lập dô̆ jing tơlơi ư-ang, pran pơtrut prong prin pioh Ping gah, gong gai hăng mơnuih ƀôn sang amăng tơring čar Dak Nông gum hrŏm hơbit, pơlir hơbit, pran pơsit yak rơgao tơnap, tơlơi lông pơdŏng plơi pla jai hrơi jai pơđĭ kyar, pơdrŏng kơtang./.
Viết bình luận