Hơdôm hrơi pơ-iă hang hăng tơlơi bơngot huĭ tơbâo apui ƀong ƀơi Gia Lai
Thứ tư, 09:36, 13/03/2024
VOV Tây Nguyên/Siu H' Prăk pơblang
VOV Tây Nguyên/Siu H' Prăk pơblang
VOV4.Jarai – Mơnuih ngă đang hmua Gia Lai pơphun amăng hơdôm hrơi koh tơbâo bơyan 2023-2024. Tơlơi mơ-ak yua tơbâo thun anai djơ̆ bơyan, hmâo nua, samơ̆ neh wa ăt bơngot mơn yua kơ tơlơi apui ƀong tơbâo amra truh hơbin ƀu thâo ôh, yua kơ pơ-iă phang sui.
Giăm hmâo 1 blan jê̆ hăng anai, ƀơi hơdôm anih anom gah ngŏ tơring čar Gia Lai hmâo na nao tơlơi apui ƀong tơbâo. Hmâo laih giăm truh 20 ektar đang tơbâo apui ƀong ƀơi hơdôm bôh tơring glông Kông Čro, Đăk Pơ, Kbang hăng plơi prong An Khê. Kual pla tơbâo pơkra sik gah Ngŏ tơring čar Gia Lai hmâo abih bang 30.000 ektar.
Truh ră anai, mơnuih pla tơbâo hmâo koh pơhrui laih 65% mrô đang tơbâo hăng pơkă hlâo amra pơđut amăng rơnuč blan 4 pơ̆ anăp. Ơi Nguyễn Hoàng Phước, Kơ-iăng Khua Sang măi pơkra sik An Khê brơi thâo, sang măi hmâo pơphun laih lu bruă jơnum hăng hơdôm anih anom, sang anô̆ pla tơbâo, gum hrŏm gơgrong hlâo pok pơhai hơdôm jơlan gah pơgang apui ƀong tơbâo amăng rơwang pơ-iă hang kơtang kah hăng ră anai./.
Viết bình luận