Kual pơplông anai hơmâo 10 boh tơring čar (Dak Lak, Dak Nông, Lâm Đồng, Gia Lai, Kon Tum, Phú Yên, Khánh Hòa, Bình Định, Quảng Nam, Quảng Ngãi). Amăng thun 2022, rơnoh pơđĭ kyar bơwih ƀong huă mơng hơdôm tơring čar amăng kual lêng lu ƀiă pơhmu hăng thun 2021, đĭ lu hloh ƀơi tơring čar Khánh Hòa đĭ rơbêh 22%, Lâm Đồng đĭ rơbêh 12%, Quảng Nam đĭ rơbêh 11%...Pơhrui ngăn drăp dưm dưm mơng hơdôm boh tơring čar lêng kơ djơ̆ mrô pơkă hăng rơgao.

Đĭ pơhiăp amăng mông jơnum, Thượng tướng Trần Quốc Tỏ, Kơ-iăng Khua ding jum kông ang, gơgrong gah bruă amăng kual pơplông ƀơi hơdôm tơring čar kual Dap kơdư hăng ter hang ia rơsĭ kual tong krah rơkâo, mut hrŏm ha pran amăng pơđĭ kyar bơwih ƀong huă ƀơi hơdôm ƀon lan. Kiăng gir run pơplih phrâo boh tơhnal bruă mă mơng kual pơhlôm tŭ yua sit nik ƀiă dong, kiăng kơtưn amăng gum hrŏm kjăp, gum djru amăng ngă hrŏm pơlir hơbit pơlă nao rai tơlơi găn rơgao amăng pơđĭ kyar bơwih ƀong kơplah wah hơdôm tơring čar amăng kual pơplông.