5 arăt jơlan brơi tuai hyu ngui anun lĕ, mut nao ĕp lăng đang amăng rơ-ưng gŭ lŏn dưi hơmâo UNESCO Dak Nông pơsit hăng dơnao prong Tà Dung. Ƀing tuai hor hyu ĕp lăng hơdôm anih anom hiam amăng rơ-ưng gŭ čư̆, hyu amăng dơnao ia lăng čư̆ siăng anih hŭi rơhyưt kiăng lông lăng, dưi čih anăn rơkâo mut hyu ĕp amăng rơ-ưng gŭ čư̆ apui kơdir đưm đă prong, dlông hloh Đông Nam Á ƀơi tơring glông Krông Knô ƀudah ĕp lăng hnoh ia, drai (jrai) pơprong ƀơi ia krông Srepok.

Abih bang hơmâo 44 bit anih tuai hyu ĕp lăng amăng đang lơ̆m rơ-ưng gŭ čư̆ apui kơdir rŏng lŏn tơnah UNESCO Dak Nông lăi pơthâo, pơčrâo brơi jơlan kơ tuai, pơdah thâo amăng plang facebook kiăng tuai ĕp lăng. Ƀing tuai hor hyu ĕp ƀơi anih mơak rơnang blang lĕ ruah mă anih hyu amăng dơnao, đĭ song nan lăng čư̆ čan ter ia dơnao Tà Dung, ia jơngeh hlơ hleč, anih hyu ngui rơ-ơ̆. Djop jơlan tuai hyu ngui anai, ƀing tuai ăt hyu ĕp lăng gru gru hiam phara mơ̆ng mơnuih ƀôn sang djuai ƀiă pơ anai kah hăng Mnông, Êđê, Mạ...