Hơdor glăi 50 thun “blah dưi hăng pơwŏt glăi” (3/1973-3/2023) mơng tơhan ayăt mă krư̆  đưm hlâo adih, mơguah lơ 22/3, ƀôn prong Hà Nội pơphun yôm phăn mông bưp ƀô̆ mơta ƀing tơhan ayăt mă krư̆ đưm hlâo adih, ră anai glăk dŏ hơdip pơ plơi prong jưh jom. Amăng mông bưp, ƀing tơhan hơđăp hơdor glăi thun blan sông kơtang, akĕ phĭ ƀu hmư̆ tui tơlơi rơkâo mah ayăt kơtư̆ juă, ataih aka hơƀơ̆I tui mơn anun lĕ pŏng sơđin amăng drơi jăn, trơ̆i pơsăn klĭ kliang, tơkai rơngan…truh pơ hơdôm tơlơi pơanur, plư pleč mơng ayăt. Hrưn đĭ găn rơgao tơnap tap hăng pran sông kơtang mơng ling tơhan ayăt mă krư̆, tơhan ăt pơphun mông jơnum pơƀut Ping gah, git gai hơdôm khul grup, pơphun lu tal đuăi dŏp, bơkơdong glăi ngă ayăt hŭi biă mă.

Đĭ pơhiăp amăng mông bưp, Kơ-iăng Khua git gai Ping gah ƀôn prong Hà Nội Nguyễn Thị Tuyến pơpŭ tơlơi suaih pral kơ ƀing tơhan ayăt mă krư̆ đưm hlâo adih, laih dong pơdah pran jua lăng yôm pran kơtang mơng ling tơhan ngă hơkrŭ. Ƀôn prong Hà Nội lêng hơdor tơngia hơdôm tơlơi gum pơgôp prong prin mơng ling tơhan ayăt mă krư̆ yua pơgôp hrŏm amăng bruă pơklaih rơngai lŏn ia kah hăng amăng rơnuk pơjing plơi prong jưh jom.