Pơđok amăng mông ngă Lơphet hơdor glăi lok glăi phiăn juăt hơdôm hrơi anai mơ̆ng 50 thun hlâo adih, khul ling tơhan hăng mơnuih ƀôn sang tơring čar Bình Định hmâo pok tơbiă bruă kơsung blah tlaih rơngai plơi prong Quy Nhơn hăng tơring čar Bình Định amăng bruă blah bơyan Bơnga thun 1975. Bruă truh kih lơ 31/3 tlaih rơngai Bình Định lĕ gru pơdah rơđah mơ̆ng bruă khăp kơ lŏn ia hăng pran jua gơgrong kơjăp, jing gru bơni klă hiam kơ pran pơsăn drơi prong prin, pran hơkrŭ mơ̆ng khul ling tơhan hăng mơnuih ƀôn sang ta.

Tơdơi kơ 50 thun tlaih rơngai, Bình Định hmâo hơdră pơkă bruă bơwih ƀong ƀu pơdơi pok prong, mơ̆ng sa tơring čar ƀun rin, truh ră anai hmâo hrưn đĭ dưm dăp dŏng tal 5 amăng 14 anih anom kual Kơdư dêh čar hăng kual kơtuai hang ia rơsĭ hăng dăp tal 25/63 bôh tơring čar, ƀôn prong đơ đam dêh čar. Pơkă hlâo hăng pơhiăp amăng mông ngă lơphet, Khua Grŭp pơtô bruă Ping gah hăng Pơtô ba mơnuih ƀôn sang mơ̆ng Ping gah dêh čar ơi Nguyễn Trọng Nghĩa pơsit tơring čar Bình Định hmâo laih hơdôm yak nao pơplih phrâo amăng pơplih bruă čar, ngă pơhưč tuh pơplai, pơđĭ kyar măi mok, tuai čuă ngui, blơi sĭ gơnam, pơtô pơhrăm mơnuih mă bruă kơjăp, pơđĭ kyar bôh thâo phrâo hơdră măi mok, bơwih ƀong mrô./.