Pơhiăp amăng mông jơnum, Kơ-iăng khua dêh čar ơi Trần Hồng Hà lăi pơtong: Amăng rơwang pơđĭ kyar, Nha Trang kiăng gir run hloh hneč mă anŏ gêh găl hăng pơđĭ tui boh tŭ yua prong hloh mơ̆ng hơdôm tơlơi pơtrun kơtang, jơlan hơdră pơkă phara kơ lŏn mơnai, prăk kăk dưi hơmâo khua mua pơ ala mơnuih ƀôn sang dêh čar pơsit laih;

Pơtong glăi pơđĭ kyar plơi prong jing anih phun ba jơlan hlâo, ngă pran kơtang pơtrut bơwih ƀong huă mơnuih mơnam, pơtrut ngă tui lu hơbô̆ bruă wai lăng thâo rơgơi amăng bruă ngă tui, git gai wai lăng hăng ba yua jơlan glông, sang bruă amăng plơi prong hăng pơtrut čuk pơkra jơlan phun anăp nao. Kơ-iăng khua dêh čar ơi Trần Hồng Hà rơkâo plơi prong Nha Trang, tơring čar Khánh Hòa khom nao hlâo amăng bruă pơblih yua mrô, man pơdong plơi prong rơgơi.