Hơjan lê̆ pler ƀơi plơi prong Đà Lạt, tơring čar Lâm Đồng
Thứ hai, 15:00, 01/04/2024
VOV Tây Nguyên/Siu H' Prăk pơblang
VOV Tây Nguyên/Siu H' Prăk pơblang
VOV4.Jarai – Čơtlăm lơ 31/3, plơi prong Đà Lạt, tơring čar Lâm Đồng hmâo hơjan lê̆ pler đam amăng hrơi hơjan blung a sui 45 mơnit. Hơjan ƀơi lu anih pơ̆ plơi prong Đà Lạt hăng sa črăn mơ̆ng tơring glông Lạc Dương, tơring čar Lâm Đồng.
Khă hơjan prong sui hrơi hmâo tom hơjan ƀơi sa dua bit anih pơ̆ sa dua kual samơ̆ ƀu ngă răm rai prong gah đang hmua, gơnam tam. Anai dưi lăng lĕ hơjan yôm phăn kơ kual čư̆ siăng Lâm Viên tơdơi kơ phang khôt, pơ-iă hang.
Hrŏm hăng plơi prong Đà Lạt hăng tơring glông Lạc Dương, sa dua kual gah tơring glông Đam Rông, Lâm Hà hăng plơi prong Bảo Lộc ăt hmâo hơjan laih mơn. Amăng anun, hơjan truh amăng čơtlăm lơ 30/3 ƀơi să Dă K’nang, tơring glông Đam Rông ăt hmâo tom hơjan lê̆ pler mơn. Hơjan lê̆ pler truh ƀơi Lâm Đồng lĕ ƀu hmâo hơget hling hlang ôh, samơ̆ hơjan lê̆ pler amăng akô̆ bơyan hơjan hăng hmâo ƀơi đơ đam kual klung ŭp Đam Rông kual Đà Lạt lĕ tơlơi ƀu hmâo lu ôh./.
Viết bình luận