Ƀơi kual hmâo tơlơi truh kơtang ngă 3 čô mơnuih djai hăng 2 čô rơngiă theng, bruă hyu hơduah ĕp ăt dô̆ mơn. Čơtlăm mơmot lơ 31/12 khul mơnuih hyu hơduah ĕp hăng mơnuih thâo ñŭ ia mơ̆ng Kông ang tơring čar Kon Tum mơ̆ng ĕp ƀuh sa dua drơi jăn mơ̆ng 2 čô mơnuih mă bruă ƀơi amăng luh dơlăm giăm tơkai drai ia pơkĕ apui. Khă ƀuh hang pran jua samơ̆ bruă hơduah ĕp khom pơdơi hĭ amăng mlăm mơmot yua kơ adai mơmot hăng ayuh hyiăng rơ-ŏt.

Ơi Lê Như Nhất, Khua Gơnong bruă sĭ mơdrô tơring čar Kon Tum brơi thâo, hrŏm hăng bruă hyu hơduah ĕp 2 čô mơnuih akă ƀuh, Jơnum min mơnuih ƀôn sang tơring čar ăt hmâo črâo ba mơn hơdôm anom bơdjơ̆ nao pơsir anô̆ răm ƀăm hăng pơsit bôh than ba truh tơlơi anun. Ping gah tơring glông Đăk Glei brơi thâo, hrŏm hăng gir run pơtrut tañ rơnoh bruă huy hơduah ĕp 2 čô mơnuih rơngiă, pơhlôm hơđong ƀơi ring bruă, gong gai tơring glông hăng pô tuh pơplai drai pơkĕ apui Đăk Mi 1 lĕ Sang bruă Quang Đức Kon Tum ăt glăk nao tơña bla, pơsur sang anô̆ hơdôm mơnuih mă bruă bưp tơlơi truh./.