Amăng jơlan hơdră anai, 1.000 čô kông ñơn hơmâo arăng khăm, črâo brơi bruă pơjrao hăng ƀơk brơi jrao; laih dong djru ĕp brơi bruă mă, čih pơsit tơlơi pơhing amăng mrô telephôn hrŏm hơdôm bruă bơrơguăt drơi jăn, gru grua, adôh suang. Đĭ pơhiăp amăng jơnum ngui, kơ-iăng Khua khul pơlir hơbit hlăk ai Việt Nam Nguyễn Kim Quy lăi pơtong, djop gưl amăng Khul grup amăng hrơi blan rơgao hơmâo pok pơhai lu bruă gum hrŏm, hrưn đĭ tơlơi hơdip mơda hăng boh thâo amăng bruă mă brơi ƀing kông ñơn hlăk ai.

Ƀrô tal anai, Khul hơmâo jao 20 anung gơnam brơi ƀing kông ñơn hlăk ai tơnap tap; khul hlăk ai tơring čar, Khul pơlir hơbit hlăk ai Việt Nam tơring čar Gia Lai hăng Khul bơwih ƀong sĭ mơdrô hlăk ai tơring čar hơmâo jao pơhrua 100 anung gơnam djru brơi mơnuih mă bruă amăng tơring čar.