Gum hrŏm hrơi jơnum ngui, hơdôm grŭp bơkơtưn pơplông bôh yôm: tơlơi thâo hăng dưi ngă. Amăng črăn pơplông tơlơi thâo, hơdôm grŭp čih pơkra anăn gơnam ƀong huă kơ čơđai hmâo tom hră pơkă pơdah rơđah gơnam tơnă hơbai hăng hơdră tơnă hơbai. Črăn pơplông hơtuk hơbai, nai pơtô hăng mơnuih mă bruă pơkra gơnam ƀong mơ̆ng rim grŭp ƀơi anăp pơkra 10 anung gơnam ƀong huă tơhrơi hăng čơtlăm kơ čơđai hăng hmâo nua 20.000 prăk sa čô čơđai.

Rơkâo ba tơbiă lĕ hơdôm anung gơnam ƀong huă khom pơhlôm djop 4 djuai gơnam ƀong, anun lĕ: đạm, ia blik, tơpung hăng vitamin. Hrơi Jơnum ngui pơkra gơnam ƀong huă hmâo pran kơ čơđai muai thun 2024 yua kơ gơnong bruă pơtô pơhrăm tơring čar Kon Tum pơphun hmâo pơdah laih amăng 2 hrơi, mơ̆ng lơ 6 truh kơ 7/4. Anai lĕ tal pioh mơnuih apăn bruă wai lăng, nai pơtô, mơnuih mă bruă ƀơi hơdôm anih anom pơtô pơhrăm čơđai muai mơ̆ng tơring čar lăi pơthâo nao rai tơlơi thâo thăo, bôh thâo amăng mă yua, pơkra gơnam ƀong huă djru čơđai hmâo dong lu mông ƀong huă jơman hăng pơhlôm bơbuă kơ čơđai./.