Dêh čar Indonesia hăng Việt Nam hơmâo tơlơi gêh găl prong pơkra rơdêh pơkĕ ƀudah ƀong apui lơtrik laih anun pơkĕ hăng pil; laih dơ̆ng Indonesia čang rơmang ngă hrom lu sang bruă sĭ mơdrô hăng Kơnuk kơna Việt Nam akŏ pơjing anih ngă bruă pơkra ming rơdêh ƀong pil apui lơtrik amăng kual ASEAN. Anai lĕ tơlơi kah pơpha anŏ kiăng mơ̆ng ơi Arsjad Rasjid Khua Anom wai lăng tuh tia pơkra ming hăng sĭ mơdrô dêh čar Indonesia (KADIN), laih dơ̆ng ăt jing Khua Khul djru bruă sĭ mơdrô ASEAN 2023 (ASEAN-BAC 2023).

Ơi Arsjad Rasjid lăi lĕ, anih anom sĭ mơdrô ƀơi kual Ngŏ dơnung ASIA hơmâo anŏ gêh găl prong pơkra rơdêh pơkĕ apui lơtrik, ƀong pil, hăng rơnoh sĭ mơdrô him lăng truh 2,7 klai USD amăng thun 2027. Dêh čar Indonesia ƀuăn amra pơtrut anom bruă tuh tia pơkra ming kơplah wah Việt Nam hăng Indonesia. Abih dua boh dêh čar lêng kơ hơmâo tơlơi gêh găl pơkra rơdêh prong ƀong pil hăng apui lơtrik prong hloh dong tal klâo ƀơi kual Dơnung Ngŏ ASIA laih dơ̆ng Indonesia lĕ anih blơi rơdêh ôtô lu hloh amăng kual. Hăng hơdră ngă hrom, kah pơpha tơlơi thâo thăi amăng bruă mă, mơnuih mă bruă dua boh dêh čar dưi ngă hrom pơkra rơdêh sĭ mơdrô rơdêh pơkĕ apui lơtrik amăng kual ASEAN.