Ơi Ngô Hiểu Khoa, Khua khul git gai grup Đèo Cả brơi thâo, jơlan đuăi mur gah yŭ čư̆ Phượng Hoàng glông 1,7 km, anai lĕ jơlan sa amăng hơdôm arăng jơlan arăng jao man pơkra 11 km yua anom bruă anai man pơkra. Ră anai rĭm hrơi grup hơmâo pơkiăo nao 400 čô mơnuih mă bruă hăng giăm 100 boh rơdêh hrŏm hăng măi mok, pok pơhai ha amăng plĕ bruă man pơkra jơlan đuăi gah yŭ Phượng Hoàng hrŏm hăng 10 boh tơdrông.

Tơdah bruă mă glăi lŏn ƀơi tơring čar Khánh Hòa pơsit hĭ tañ, amra tañ man pơkra jơlan đuăi gah yŭ rơnuč thun 2025, Jơlan rơdêh đuăi hmar Khánh Hòa-Buôn Ma Thuột glông rơbêh 117 km, prong 4 bơnah, hrơi mông tuh pơ alin man pơkra rơwang tal I mơng thun 2021-2025. Abih tih prăk tuh pơ alin man pơkra giăm 22.000 klai prăk. Ră anai anom bruă tuh pơ alin hăng hơdôm anom bruă man pơkra lêng kơ đing nao pok pơhai akŏ bruă hăng hơnong pơkă truh rơnuč thun 2026 djop ară jơlan lêng kơ dưi mă yua.