Tui hăng hră čih pioh djŏp tơlơi pơgôp hiăp mơ̆ng sang bruă mơdrô, anŏ ngă tơnap amăng 4 mơta bruă (lŏn tơnah, ayuh hyiăng, gơnam amăng gŭ lŏn, gơnam pioh či man pơdong) pơƀut bơi 5 mơta tơhnal phun. Anun lĕ anŏ kaih hăng pleh ploh pha ra bruă pơkă nua lŏn; anŏ phara plah wah tơlơi gơgrong nô̆p prăk yua lŏn hăng bruă mă yua lŏn tơnah; amuñ ngă soh tơlơi phiăn hăng hơdôm tơlơi pơtrun hơmâo ba tơbiă; Kơƀah hơnong pơkă anŏ bơbeč djơ̆ ayuh hyiăng hăng bruă pơkă hơnong prăp rơmet ngă bruă; Tơlơi thâo pơmin wai lăng anŏ hơƀak tui jơlan gah lui hĭ hlao ƀu djơ̆ pơkra hơdjă giong anun mă yua glăi dong.

Klah čun ƀơi mông jơnum, Kơ-iăng khua dêh čar ơi Hồ Quốc Dũng kiăng hơdôm Ding jum anom bruă lăi glăi tơpă, khut mơtăm hơdôm tơlơi rơkâo mơ̆ng sang bruă mơdrô, pơthâo rơđah tơlơi gơgrong mơ̆ng Gơnong dlông hăng tơring tơrang. Lăi pơtŏng, Kơnuk kơna ră anai pơƀut čih pơkra tơlơi pơkă, hră pơtrun, hăng pơklaih brơi anŏ tơnap hăng bruă kah pơpha gưl ngă bruă, jao bruă pơsir kơtang hloh kơ tơring čar, Kơ-iăng khua dêh čar pơtă hlâo hơdôm tơlơi dŏ gun, anŏ tơnap, hơdôm tơlơi phiăn hơmâo pơkă ăt dŏ bơrơkua nao rai, ƀu hruaih ôh gah lŏn tơnah hăng ayuh hyiăng kiăng sem lăng amăng bruă pơkra glăi tơlơi phiăn lŏn tơnah, tơlơi phiăn ayuh hyiăng, tơlơi phiăn prăk jia kông ngăn amăng gŭ lŏn, laih anun hơdôm hră pơ-ar pơtô brơi kiăng ngă đah mơ̆ng djru ngă gêh găl hloh./.