Jơlan Hồ Chí Minh bĕ gah Ngŏ Buôn Ma Thuột ăt dŏ gun bruă čuk pơkra
Thứ sáu, 09:40, 22/03/2024
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV4.Jarai - Bruă pơkra jơlan nao rai yôm phun jơlan Hồ Chí Minh črăn bĕ gah Ngŏ plơi prong Buôn Ma Thuột hơmâo Ding jum jơlan glông pơdŭ pơgiăng pơhrua thim rơbêh 330 klai prăk laih pioh čuk pơkra pok jơlan samơ̆ ăt dŏ kaih đôč. Nao lăng ƀơi anăp, Khua jơnum min mơnuih ƀôn sang tơring čar Dak Lăk kiăng hơdôm anom bruă bơdjơ̆ nao gơgrong bruă hloh dong.
Ơi Phạm Ngọc Nghị, Khua jơnum min mơnuih ƀôn sang tơring čar Dak Lăk brơi thâo, lơ̆m kơƀah prăk pơkra jơlan, tơring čar hơmâo rơkâo pơplih rơnoh prăk tuh pơ alin mơ̆ng 1.509 klai jing 1.841 klai prăk, đĭ thim 332 klai prăk. Mrô anai pơhlôm brơi bruă mă lŏn čuk pơkra jơlan, samơ̆ truh ră anai bruă anai ăt dŏ kaih đôč. Tơlơi anai brơi ƀuh, hơdôm anom bruă aka ƀu ngă bruă klă ôh.
Khua Jơnum min mơnuih ƀôn sang tơring čar Dak Lăk kiăng hơdôm anom bruă bơdjơ̆ nao khŏm ngă klă bruă kơnuk kơna jao kơ ƀing gơñu. Amăng anun, ƀing khua khŏm gơgrong bruă, pơtrut pơsur ƀing tơhan ñu ngă. Biă ñu bruă čuk lŏn pơkra jơlan, ră anai dŏ gun hăng kaih đôč, kiăng ngă bruă khut khăt hloh đah mơ̆ng pơhlôm tui hrơi pơkă ngă bruă.
Viết bình luận