Pơhiăp pơphun brơi mông Jơnum, Kơ-iăng khua git gai pơ ala mơnuih ƀôn sang dêh čar ơi Trần Thanh Mẫn lăi rơđah, bruă mă mơ̆ng Khua mua pơ ala mơnuih ƀôn sang dêh čar tal 15 hăng Jơnum min pơ ala mơnuih ƀôn sang rơwang thun 2021-2026 hơmâo lu tơlơi pơplih, ba tơbiă hơdră ngă bruă klă hloh amăng bruă krăp lăng, pơtô ba bruă mă mơ̆ng Jơnum min pơ ala mơnuih ƀôn sang, mơ̆ng bruă čih pơkra giong tơlơi phiăn truh kơ bruă pơtruh nao rai kơplah wah Khua mua pơ ala mơnuih ƀôn sang dêh čar, Jơnum min apăn bruă phun pơ ala mơnuih ƀôn sang dêh čar, hơdôm anom bruă pơ ala mơnuih ƀôn sang dêh čar, hơdôm anom bruă gah Jơnum min apăn bruă pơ ala mơnuih ƀôn sang hăng Jơnum min pơ ala mơnuih ƀôn sang tơring čar, ƀôn prong.

Jơnum min khua pơ ala mơnuih ƀôn sang ăt hơmâo lu tơlơi gir run, pơplih phrâo amăng bruă mă; kiăo tui tơlơi pơtrun mơ̆ng Ping gah, tơlơi phiăn mơ̆ng Kơnuk kơna; ngă rơđah jing Tơlơi pơtrun, tơlơi pơkă ngă bruă, djơ̆ hăng tơlơi kiăng mơ̆ng rim kual plơi pla; djru prong amăng bruă pơđĭ kyar bơwih ƀong huă - mơnuih mơnam, ling tơhan, pơgang lŏn ia, rơnuk rơnua, pơtom hiăp hăng čar rơngiao mơ̆ng rim plơi pla wơ̆t hăng amăng dêh čar.