Amăng jơnum bơkơtuai bruă bơwih ƀong huă gưl kơ-iăng khua dêh čar Việt Nam-Hàn Quốc tal dua phrâo pơphun ƀơi Hà Nội, yua Kơ-iăng Khua dêh čar Việt Nam ơi Lê Minh Khái hăng Kơ-iăng khua dêh čar Hàn Quốc Kyungho Choo git gai hrŏm, dua bơnah hơmâo tŭ ư kơtưn ngă hrŏm tuh pơ alin-sĭ mơdrô kơplah wah dua boh dêh čar pơ anăp anai.

Ră anai, Hàn Quốc tŏ tui dong tal sa kơ bruă tuh pơ alin (tui jŭ yap rơnoh prăk tuh pơ alin 81 klai 300 klăk đôlar Mi); dong tal dua kơ bruă ngă hrŏm pơđĭ kyar (3 klai 750 klăk đôlar Mi), tuai čuă ngui hăng mơnuih mă bruă; dong tal tlâo kơ ngă hrŏm sĭ mơdrô (dưm dưm 86 klai 400 klăk đôlar Mi thun 2022). Dua boh dêh čar tŭ ư kơtưn ngă hrŏm tŭ yua amăng bruă gum djru pơđĭ kyar sit nik kơplah wah Kơnuk kơna Hàn Quốc hăng Kơnuk kơna Việt Nam hluai tui bruă mă yua klă hloh hơdôm akŏ bruă djru ƀu kiăng tla glăi, tŭ mă hơdôm rơnoh prăk brơi čan ODA Hàn Quốc hluai tui keh prăk EDCF hăng EDPF.