Yă Trương Thị Mai, Ding kơna Ding jum kơđi čar, Khua apăn bruă Ping gah, Khua khul pơphun bruă gơnong glông git gai mông jơnum. Dong mơng thun 2020 truh thun 2022, 16 boh tơring čar, ƀôn prong kual Tong krah-Dap kơdư hơmâo pơmut 2.363 čô mơnuih apăn bruă Ping gah mơng anom bơwih ƀong sĭ mơdrô gah rơngiao Kơnuk kơna , mrô mơnuih pơmut amăng Ping gah đĭ tui rĭm thun.

Đĭ pơhiăp amăng mông jơnum, yă Trương Thị Mai pơsit tong, tơlơi črâo trun pơđĭ kyar Ping gah amăng anom bơwih ƀong sĭ mơdrô gah rơngiao Kơnuk kơna pơphun sui laih samơ̆ ră anai ăt dŏ tơnap tap. Yă Trương Thị Mai rơkâo, pơ anăp anai, djop ƀon lan ăt ngă gêh gal brơi anom bơwih ƀong sĭ mơdrô gah rơngiao Kơnuk kơna pơmut lu dong mơnuih; pel ĕp glăi kiăng kơ hơmâo hơdră lăp djơ̆ hăng tơlơi sit nik.