Jơnum bơkơtuai kơ hơdôm tơlơi gal kiăng anom bơwih ƀong sĭ mơdrô pơđĭ kyar hơđong kjăp
Thứ sáu, 10:06, 24/03/2023
VOV/Siu Đoan Pơblang
VOV/Siu Đoan Pơblang
VOV4.Jarai - Lơ 23/3, Khul pơlir hơbit sĭ mơdrô hăng tuh tia pơkra pơjing Việt Nam pơphun jơnum bơkơtuai “Pơsit tong glăi anom bơwih ƀong sĭ mơdrô kiăng pơđĭ kyar hơđong kjăp”.
Khua VCCI Phạm Tấn Công brơi thâo, jar kmar kah hăng Việt Nam hơmâo găn rơgao lu tơlơi pơlih dong mơng hrơi klin Covid-19 hơđuh đĭ ngă gun hĭ bruă bơwih ƀong sĭ mơdrô hăng bruă pơkra pơjing, ba hyu gơnam sĭ amăng tar ƀar rŏng lŏn tơnah. Hơdôm tơlơi anai glăk jing tơlơi rơkâo anom bơwih ƀong sĭ mơdrô kiăng lăng glăi hiưm pă kiăng dưi tŏ tui bơwih ƀong hăng pơđĭ kyar.
Amăng mông jơnum, ƀing rơgơi kơhnâo hơmâo lăng glăi hơdôm anŏ akŏ phun bơbeč nao pơđĭ kyar bơwih ƀong huă hăng bruă pơkra pơjing, sĭ mơdrô mơng hơdôm anom bơwih ƀong sĭ mơdrô Việt Nam, pơsit tong hơdôm tơlơi dưi khŏm ngă tui kiăng anom bơwih ƀong sĭ mơdrô dưi pok prong sĭ mơdrô, pơhưč tuh pơ alin klă ƀiă dong hăng hơmâo rơnoh prăk djru pơđĭ kyar.
Viết bình luận