Jơnum bơkơtuai boh thâo ia rơgơi phrâo Tơlơi pơtô djơ̆ lok anai hơmâo akŏ ñu “Tơlơi tom thâo kơ bruă pơčeh phrâo wai lăng mơnuih mơnam amăng rơnuk tơlơi pơhing phrâo ia rơgơi rơnuk anai”. Pơhiăp amăng mông jơnum, ơi Nguyễn Xuân Thắng-ding kơna ding jum kơđi čar, Khua Khul nai pơtô djơ̆ dêh čar, Khua sang hră kơđi čar dêh čar Hồ Chí Minh lăi rơđah tơlơi thâo hluh mơ̆ng ping gah dêh čar Việt Nam lăng yôm, pơđĭ tui bruă mă wai lăng mơnuih mơnam amăng rơnuk tơlơi pơhing phrâo ia rơgơi ră anai.

Tơlơi hơkrŭ ĕp boh thâo ia rơgơi phrâo tal pă hăng tơlơi pơhing hăng boh thâo ia rơgơi phrâo ba lu tơlơi hơmâo phara hloh amăng bruă mă ping gah git gai wai lăng hăng pơđĭ kyar bruă mơnuih mơnam. Ƀơi mông jơnum bơkơtuai, Khua pơ ala kơ dua grup jơnum lêng kơ lăi pơthâo boh yôm phun kơtưn tơña hrăm nao rai tơdruă tơlơi tom thâo găn rơgao mơ̆ng dua bơnah ping gah amăng rơnuk phrâo.