Mơguah lơ 11/4, ƀơi Hà Nội, Ping gah Khul hơdôm bôh ƀirô dêh čar ta pơphun Jơnum bruă mă gah tơlơi pơmin hăng tơlơi mơnuih mơnam đing nao krăh rơwang bruă Jơnum tal 13 kiăng pơsit bôh tơhnal bruă mă gah tơlơi pơmin hăng tơlơi mơnuih mơnam đing nao mơng akô̆ rơwang bruă truh ră anai hăng bruă pơsir mông pơ̆ anăp pioh kơ bruă mă gah tơlơi pơmin hăng tơlơi mơnuih mơnam đing nao amăng Ping gah Khul. Pơhiăp črâo ba Jơnum, ơi Nguyễn Văn Thể, Ding kơna git gai Ping gah dêh čar Khul hơdôm ƀirô Kơnuk kơna lăi lĕ: Bruă mă gah tơlơi pơmin hăng tơlơi mơnuih mơnam đing nao hơdôm hrơi rơgao dưi hmâo Ping gah Khul hăng hơdôm gưl ping gah đing nao, lăng yôm; bruă thâo, lăi glăi, pơsit jơlan gah hăng pơsir hơdôm bruă mă gah tơlơi pơmin hăng tơlơi mơnuih mơnam đing nao hmao tlôn hloh.

Ơi Nguyễn Văn Thể rơkâo pơ̆ anăp anai Ping gah Khul hăng hơdôm gưl ping gah ngă tui klă dong bruă bơkơtưn pơblang bruă pơgang phun akha tơlơi pơmin mơng Ping gah; hrom hăng anun čih pơkra kơčăo bruă pơphun ngă tui tơpă hơdôm tơlơi pơkă kơ bruă gơgrong ngă gru mơng mơnuih apăn bruă, mơnuih ping gah nao hrom hăng ngă tui tơlơi klah čun mrô 1 mơng Ding jum kơđi čar kơ ngă tui dong Tơlơi črâo ba mrô 05 – kơ pơtrut kơtang hrăm hăng ngă tui tơlơi pơmin, pran jua, kơnuih Hồ Chí Minh./.