Mơguah lơ 17/3, ƀơi Hà Nội, Khul đah kơmơi mut phung Việt Nam jơnum pơphun bruă mă tui kơčăo bruă “Djru kơ anom ngă ƀong hrom yua đah kơmơi ngă khua, pơsir bruă mă kơ đah kơmơi hrơi hơmâo bruă mă truh thun 2030” iâu klah cun Kơčăo bruă mrô 01. Khua ding kơna git gai ping gah, Kơ-iăng Khua dêh čar ơi Lê Minh Khái nao jơnum hrom.

Kơčăo bruă mrô 01 pơtrun tơhnal pơkă: pơkjăp glăi, djru, pơđĭ tui boh tŭ yua hăng bruă mă kơ boh ƀiă ñu 1.500 boh anom bruă ngă hrom, 10.000 grup ngă ƀong hrom djop gưl akŏ pơjing; 100% mrô đah kơmơi wai lăng anom ngă ƀong hrom dưi pơtô hrăm, pơđĭ tui tơlơi thâo thăi, git gai djơ̆ găl hăng bruă mă, sĭ mơdrô; pơtô brơi, djru akŏ akŏ pơjing phrâo 750 boh anom bruă ngă ƀong hrom yua đah kơmơi ngă hrom git gai wai lăng; ngă gêh găl pơsir bruă mă kơ đah kơmơi hrơi....

Pơhiăp amăng mông jơnum, Kơ-iăng Khua dêh čar ơi Lê Minh Khái lăi pơtong: Khul đah kơmơi mut phung Việt Nam kiăng ngă hrom tong ten hăng djop ding jum, anom bruă, tơring čar pok pơhai ngă tui kơčăo bruă rĭm črăn amăng amăng thun; ngă tui kơčăo bruă mrô 01 djơ̆ hơdră, sa amăng plĕ, tŭ yua hăng djơ̆ găl hăng rĭm tơring čar.