Amăng jơlan hơdră mă bruă, ƀing khua pơ ala đing nao bơkơtuai, gum pơhiăp kơ hră pơ-ar rơwang bruă pơplih pơkra, pơhrua nao Tơlơi phiăn Jơnum min djop djuai ania mơnuih mơnam Việt Nam, Tơlơi phiăn Khul mut phung, Tơlơi phiăn Hlăk ai, Tơlơi phiăn ngă tui tơlơi tơpă ƀơi anom bruă plơi pla. Hrŏm hăng anun, Jơnum ăt pel ĕp glăi mơn hră čih tơlơi lăi pơthâo glăi ruah mă tơlơi gum pơhiăp, rơkâo đĭ mơ̆ng mơnuih pơ ala kơ mơnuih ƀôn sang hăng mơnuih ƀôn lan mơ-ĭt kơ Tal jơnum lok 9, Khua pơ ala mơnuih ƀôn sang dêh čar tal 15.

Amăng mông jơnum, khua pơ ala kơ Gong gai dêh čar ăt lăi pơhing mơn sa dua bôh yôm bơdjơ̆ nao bruă pơmut hrŏm anom bruă čar gưl tơring čar, lui lơi gong gai tơring glông hăng dưm dăp dong gưl să. Pơhiăp amăng mông pok phun, Khua Jơnum min djop djuai ania mơnuih mơnam dêh čar Việt Nam Đỗ Văn Chiến rơkâo ƀing khua pơa la ngă tui tơlơi tơpă, gum pơhiăp bruă pran jua gơgrong pioh ngă giong hơdôm mơta hră pơ-ar lăi pơthâo gưl hmâo tơlơi dưi pel ĕp, pơsit. Amăng mông jơnum, Kơ-iăng Khua dêh čar ơi Nguyễn Chí Dũng ăt hmâo lăi pơhing mơn sa dua bôh yôm kơ tơlơi bơwih ƀong – mơnuih mơnam mơ̆ng lŏn ia, bruă pơmut hrŏm sa dua bôh anom bruă čar gưl tơring čar, ƀu pơphun bruă gưl tơring glông, pơmut dong anom bruă čar gưl să./.