Jơnum hmâo anăn ñu “Yua kơ tơlơi pơđĭ kyar kơjăp hăng pơhlôm akô̆ tlôn” hăng tơlơi nao pơhmư̆ mơng rơbêh kơ 60 bôh tơring čar, ƀôn prong dua bôh dêh čar hrom hăng hơdôm mơta bruă mă, hơdôm bôh anom bơwih ƀong. Pok phun Jơnum, Khua git gai Ping gah ƀôn prong Hà Nội Đinh Tiến Dũng brơi thâo, truh ră anai hmâo rơbêh 38 bôh tơring čar, ƀôn prong mơng Prang hăng 18 bôh tơring čar, ƀôn prong mơng Việt Nam gum hrom, hăng 240 rơwang bruă kơplah wah hơdôm bôh tơring čar, ƀôn prong dua bôh dêh čar amăng lu bruă kah hăng ia jrao, pơtô pơhrăm, pơgang gru grua đưm, khul yua tơlơi Prang, pơđĭ kyar plơi pla, pơđĭ kyar kơjăp phik...

Pơhiăp amăng mông jơnum, Kơ-iăng Khua dêh čar ta ơi Trần Lưu Quang pơsit yôm akô̆ bruă jơnum “Gum hrom kơplah wah hơdôm bôh tơring čar, ƀôn pơtrut hơkrŭ glăi pơđĭ kyar kơjăp phik abih bang tơdơi kơ klin Covid-19”, bơni Hà Nội hmâo laih pơčeh phrâo pơphun jơnum tŭ yua anai. Anai lĕ sa amăng hơdôm glông bruă yôm phăn pioh pơtrut gum hrom kơplah wah hơdôm bôh tơring čar, ƀôn prong hăng bơkơtuai mơnuih ƀôn sang dua bôh dêh čar./.