Bruă bơkơtuai kiăng pơtŏng sit, ngă rơđah bruă mă hăng hơdôm tơlơi gum hơgôp prong prin mơ̆ng khul ling tơhan hăng mơnuih ƀôn sang đơ đam dêh čar, mơ̆ng neh wa djop djuai ania Yŭ Kơdư, ƀơi anăp lĕ ling tơhan hăng mơnuih ƀôn sang tơring čar Điện Biên. Anai lĕ tal hơdôm mơnuih kơsem min pơblang, ngă rơđah rơnoh ñu, anô̆ yôm gru grua, bôh than truh kih; ngă tui hơdôm tơlơi găn rơgao amăng bruă pơdŏng hăng pơgang lŏn ia ră anai.

Grŭp pơphun hmâo čih pơkra bruă bơkơtuai hluai tui 104 mơta tơlơi čih gum lăi pơblang, Bơkơtuai hmâo năng ai ñu 500 čô mơnuih pơ ala, hmâo tơlơi nao pơhmư̆ mơ̆ng ƀing khua mua git gai Ping gah, Kơnuk kơna, Khua pơ ala mơnuih ƀôn sang. Biă ñu, nao pơhmư̆ mông bơkơtuai hmâo 3 čô mơnuih lăng ƀuh gru grua – lĕ ƀing mơnuih ƀơi anăp gum hrŏm bruă blah ƀơi Điện Biên Phủ./.