Tui sem lăng mơng tal jơnum anai, bruă pơtô hrăm ƀơi kual Dap kơdư glăk ƀơƀrư̆ klă tui hrŏm hăng đơ dêh čar. Ƀing nai pơtô hăng mơnuih wai lăng bruă pơtô hrăm hơmâo đing nao tuh pơ alin, pơđĭ kyar kơ mrô mơnuih hăng thâo rơgơi, jai hrơi djơ̆ hăng tơlơi rơkâo pơplih pơtô pơjuăt.

Samơ̆, tui ƀing khua mua, hơdôm tơlơi pơplih amăng pơtô hrăm kual Dap kơdư dŏ kaih, aka ƀu djơ̆ hăng tơlơi rơkâo pơđĭ kyar bơwih ƀong-mơnuih mơnam, ơi Nguyễn Kim Sơn, Khua ding jum pơtô pơjuăt rơkâo, pơ anăp anai, djop ƀon lan amăng kual tŏ tui pơtô hrăm, hrưn đĭ klă dong mơng ƀing nai pơtô, dưm dăp anih pơtô hrăm lăp djơ̆; jak iâu gum pơgôp mơng abih bang mơnuih amăng bruă pơtô hrăm, hrưn đĭ klă dong, hăng tŭ yua mơng mơnuih mă bruă, sit biă ñu mơnuih apăn bruă djuai ania ƀiă, pơlir hăng tơlơi rơkâo pơđĭ kyar bơwih ƀong huă-mơnuih mơnam.