3 blan akŏ thun, rơnoh gơnam sĭ mơdrô amăng tơring čar Dak Lak him lăng hơmâo 12.300 klai prăk, đĭ tui 3,5% pơkă hăng thun hlâo, duh jia kơnuk kơna rơbêh 2.390 klai prăk, dưm dưm hăng 34,2% rơnoh jao, hơdôm mơta gơnam sĭ mơdrô phun đĭ, prăk pơhrui glăi truh 500 klăk dolar Mi, đĭ tui 29% pơkă hăng tal anai thun hlâo.

Pơhiăp ƀơi mông jơnum, Khua git gai ping gah tơring čar Dak Lak ơi Nguyễn Đình Trung brơi thâo, tơlơi bơwih ƀong huă mơnuih mơnam tơring čar hơmâo tơhnal ƀuh pơđĭ kyar klă, samơ̆ ăt dŏ lu tơhnal pơkă aka dưi ngă djơ̆ akŏ bruă jao. Pơ anăp anai, tơring čar khom sem glăi, bruă phun, yôm, ngă hiư̆m pă pơtrut kơtang hloh ngă tui, pơtum mơnuih mă bruă, ĕp rơnoh prăk tuh pơ alin. Laih dơ̆ng pơčrâo brơi hơdră mă bruă amuñ ngă tui, hrŏm hăng pơtum mơnuih mă bruă hăng rơnoh prăk pơhrui glăi, djơ̆ găl hăng anŏ dưi ngă, anŏ thâo hơmâo ƀơi tơring čar, anom bruă kiăng thâo git gai ngă tui truh kih tŭ yua bruă mă jao amăng thun 2024.