Pơhiăp ƀơi mông jơnum, Kơ-iăng Khua git gai ping gah Khul djop sang bruă kơnuk kơna gơnong dlông, ơi Lại Xuân Lâm brơi thâo, thun 2025 jing thun hơmâo lu bruă mă, hrơi jơnum hơdor pioh bruă kơđi čar pơprong ƀơi dêh čar, yua kơ anun amăng hơdôm hrơi blung a akŏ thun 2025, djop anom bruă ping gah amăng khul djop sang bruă kơnuk kơna pơtum mă bruă, hăng pran jua gir run khut khăt hloh, hur har pok pơhai bruă mă kơđi čar; pơhlôm ngă tui klă bruă mă jao huăi tơ̆i đưn, kiăng hruaih, ƀu yua kơ dăp glăi, pơmut sang bruă, anih mă bruă amăng kơnuk kơna ôh mơ̆, ngă tơ̆i dơnuai amăng bruă mă kơđi čar.

Boh nik ñu, ăt kơsem min, prăp lui lăi pơthâo, čih pơkra hơdră ngă hơbôt hloh sang bruă, mơnuih mă bruă tui tơlơi git gai mơ̆ng Gơnong dlông hăng Khua git gai ping gah dêh čar kiăng anăp nao bruă mă "Rơbat rah, dăp glông rah” amăng anun đing nao pơphun glăi sang bruă, bruă mă, ruah mơnuih apăn sit nik, mrô mơnuih apăn bruă gơgrong phun amăng ping gah djop gưl, kiăng ngă djơ̆ hơdră djru pơdjơ̆ nao. Mơ̆ng anun, khom pơgôp hrŏm hơbit ngă tui tŭ yua bruă hơkrŭ glăi hơbôt sang bruă, mă bruă hmar tŭ yua hăng sit nik.