Thun 2023, rơnoh đĭ kyar bơwih ƀong mơ̆ng Việt Nam ăt hơmâo rơbêh 15%. Mrô sang anŏ rin hrŏ trun dŏ 3%. Bruă djru mơnuih ƀôn sang bơwih ƀong hơdip mơda ăt hơmâo ngă na nao, jing bruă yôm phun, hăng rơnoh giăm 3% GDP amăng lu thun. Thun 2023, Việt Nam ba sĭ rơbêh 8 klăk tơn braih, djru pơhlôm braih apiăng hăng tơlơi dưi hơmâo mă braih huă añăm ƀong kơ hơdôm klăk čô mơnuih ƀơi djŏp kual ƀơi rŏng lŏn tơnah.

Hăng tơlơi đĭ pơhiăp, Khua ding jum pơtom hiăp Bùi Thanh Sơn kiăng bang hyu hăng gơyut gơyâo ƀơi jar kmar mơ̆ng tơlơi ră ruai mơ̆ng Việt Nam anun lĕ: Tơlơi Việt Nam kơđiăng lui amăng lu thun rơgao lĕ tơlơi dưi ană mơnuih hơmâo pơhlôm klă hloh lơ̆m lŏn ia rơngai, hơđong, pơpŭ kơ tơlơi phiăn jar kmar, amăng anun Kơnuk kơna lăng mơnuih ƀôn sang yơh phun akha amăng djŏp hơdră ngă bruă đah mơ̆ng pơhlôm đĭ kyar abih bang hăng kjăp phik.