Đĭ pơhiăp amăng mông jơnum, Khua dêh čar ơi Lê Minh Hưng rơkâo djop ding jum, gơnong bruă hăng gong gai ƀon lan gơgrong, pơčeh phrâo, anăm dŏ tơguăn kiăng pơhlôm brơi djơ̆ hrơi mông hăng kjăp hloh mơng hơdôm ring bruă anai. Khua dêh čar rơkâo kiăng pok pơhai djơ̆, tui jơlan gah, djơ̆ tơlơi phiăn, ngă tui hơnong pơkă pơhlôm rơnuk rơnua. Kơtưn amăng mă yua boh thâo phrâo, pơplih pơčeh phrâo, pơplih mrô hăng pơplih mơtah amăng bruă man pơdong, pơtrut ngă tañ hăng hrưn đĭ pơkra kjăp hơdôm ring bruă.

Khua dêh čar lăi pơtong anăm brơi hơdôm tơlơi ngă soh, hưp ƀong kông ngăn, yua kông ngăn khưi khai mơng Kơnuk kơna hăng mơnuih mơnam. Khua dêh čar rơkâo Ding jum man pơdong hăng hơdôm boh ƀon lan kiăo tui boh tơhnal amăng akŏ bruă, đing nao pơgiong ngă hră pơ-ar prap tuh pơ alin, tŭ yua lăi pơthâo kơsem min dưi ngă hăng ruah anom bruă tuh pơ alin hăng hơdôm akŏ bruă phun.