Amăng 3 blan tal 1, hơmâo 2 rơbâo 364 wơ̆t tơlơi truh pơjrom pơtlă, rơbuh rơbeč ƀơi jơlan, ngă rơbêh 1 rơbâo 400 čô mơnuih djai, rơbêh 1 rơbâo 500 čô mơnuih rơka; pơhmu hăng tơđar thun hlâo, mrô tơlơi truh tơdu ƀiă amăng 3 mơta tơlơi pơkă kơ mrô tơlơi truh, mrô mơnuih djai hăng mrô mơnuih rơka. Hơmâo 14 boh tơring čar ƀon prong tơdu trun rơbêh 40% mrô mơnuih djai  anun lĕ: Đà Nẵng, Dak Nông, Long An, Cần Thơ, Thái Nguyên, Phú Thọ, Bắc Giang, Điện Biên, Lai Châu...Khă hnun, dŏ hơmâo 16 boh tơring hơmâo mơnuih djai lu yua pơjrom rơdêh pơhmu hăng tơđar thun hlâo.

Klah čun ƀơi mông jơnum, Kơ-iăng khua dêh čar ơi Trần Lưu Quang kiăng amăng hrơi blan pơ anăp anai, rơngiao kơ tơlơi ngă bruă mơng hơdôm ding jum, anom bruă, tơring čar kiăng pơtrut tui bruă pơtô pơblang kiăng mơnuih ƀon sang thâo hluh hloh kơ bruă nao rai đĭ rơdêh ƀơi jơlan, pơhlôm rơnuk rơnua hloh.