Jơnum ngui bruă kơphê Ƀuôn Ma Thuôt tal 8 thun 2023 hăng akŏ ñu: “Ƀuôn Ma Thuôt-Anih nao mơ̆ng kơphê rŏng lŏn tơnah” dưi pơphun amăng 5 hrơi, mơ̆ng lơ 10/3 truh lơ 14/3 thun 2023, hăng 6 khul bruă laih anun 18 mơta bruă mă sĭ mơdrô laih anun gru grua hiam mơak. Anai lĕ sa bruă mă gru grua hiam mơak prong, ngă gêh găl brơi kơ bruă pôr pơthâo anăn păn kơphê Ƀuôn Ma Thuôt, pơđĭ kyar gơnam pơkra ming kơphê hiam phara mơ̆ng Việt Nam.

Mơ̆ng anun, pôr pơthâo Ƀuôn Ma Thuôt jing anih anom rai ĕp lăng, bruă kơphê rŏng lŏn tơnah, djru hrom pơđĭ tui rơnoh sĭ mơdrô, pơtong rơđah kơnuih hiam anăn kơphê hmư̆ hing mơ̆ng Việt Nam truh pơ jar kmar. Hơdôm tơlơi pơhing kơ bruă jơnum ngui bruă kơphê dưi čih pơthâo, pôr na nao amăng Plang tơlơi pơhing điện tử tơring čar Dak Lak, anăn ĕp lăng: http://daklak.gov.vn hăng plang tơlơi pơhing điện tử mơ̆ng Khul pơphun Jơnum  bruă kơphê Ƀuôn Ma Thuôt.