Tơdơi kơ hmư̆ tơlơi pơgôp hiăp, đĭ pơhiăp pơđut mông jơnum kơ bruă pơgôp hiăp bruă čih pơkra, pơhrui sa, dua tơlơi phiăn mă jia, kơ-iăng Khua git gai pơ ala mơnuih ƀôn sang dêh čar yă Nguyễn Thị Hồng brơi thâo, Jơnum min apăn bruă Khua pơ ala mơnuih ƀôn sang dêh čar hơmâo bơtŭ ư kiăng pel ĕp, čih pơkra, pơhrua sa, dua črăn amăng tơlơi phiăn mă jua: anun lĕ prăk pơhrui mơng rĭm čô mơnuih, mơng anom bơwih ƀong sĭ mơdrô, mơng sĭ gơnam tam hăng pơhrui yôm phăn kiăng hơmâo tơhnal pơkă tui hơdră mơng Ping gah amăng pơplih mơtah, pơplih yua apui lơtrik, pơđĭ kyar bơwih ƀong huă mơnuih ƀôn sang ngă pô hăng hơnong pơkă pơđĭ kyar dua mrô pơlir hăng hơđong tơlơi bơwih ƀong huă pok prong.

Laih dong, pơhlôm brơi hơdră djru lăp djơ̆ hăng hơdôm boh sang anŏ sĭ mơdrô hăng anom bruă sĭ mơdrô anet hăng man ƀrô, pơhlôm bơkơnar, ha amăng plĕ amăng bruă mă jia, pơgôp čung ba mơnuih blơi yua, pơsur mă yua rơdêh wai pơgang jum dar, plai ƀiă asăp hơƀak jrak, anăp nao pơđĭ kyar hơđong kjăp.