Pơhiăp bit hrŏm ƀing mơnuih ba gru amăng plơi pla, Khua git gai Ping gah, Khua mir sir ơi Tô Lâm pơsit tong, hơdôm thun rơgao, tui tơlơi git gai mơng Ping gah, kơnuk kơna, tơlơi mut hrom ha amăng plĕ mơng djop anih anom hơđi čar, hrŏm hăng tơlơi gir run mơng ƀon lan hăng djop djuai ania, bruă djă pioh hăng tŏ tui gru grua djop djuai ania ba glăi boh than yôm phăn, ngă pơplih amăng tơlơi pơmĭn hăng tơlơi hơdip mơnuih mơnam.

Pơ anăp anai, Khua git gai Ping gah, khua mir sir ơi Tô Lâm rơkâo hăng čang rơmang, ƀing kơhnâo kơhnăk tŏ tui pơtô brơi hlăk ai čơđai, kiăng boh pơhiăp, tơlơi adôh, bruă pơkra gơnam tŏ tui na nao amăng tơlơi hơdip tŭ tă ră anai. Ƀing ta lêng kơ thâo rơđah dŏ boh pơhiăp, gru grua, abăn ao, tơlơi adôh suang-lĕ ăt dŏ bơngăt jua djuai ania; laih dong, kiăng đing nao djop tơlơi gal kiăng gru grua hơmâo tŏ tui amăng tơlơi hơdip, hơmâo anih kiăng djă pioh hăng ngă lar hyu, kiăng rĭm čô mơnuih, rĭm boh plơi pla jing anih phun amăng bruă djă pioh hăng pơđĭ kyar gru grua.