Pơhiăp ƀơi mông jơnum, Khua git gai pơ ala mơnuih ƀon sang dêh čar ơi Vương Đình Huệ brơi thâo: him lăng amăng 23 hrơi ngă bruă, Khua mua pơ ala mơnuih ƀon sang sem lăng, pơsit brơi hơdôm tơlơi yôm phun. Hrŏm hăng bruă čih pơkra tơlơi phiăn, ƀơi mông jơnum tal anai, khua mua pơ ala mơnuih ƀon sang amra pơsit brơi 20 kơčăo bruă yôm. Rơđah biă ñu Bruă tuh pơ alin pơkra jơlan nao rai mơng Jơlan prong mrô 27C nao pơ jơlan tơring čar ĐT.656 tơring čar Khánh Hòa - pơtruh hăng Lâm Đồng laih anun Ninh Thuận; Pơplih hơdră tuh pơ alin pơkra dơnao kŏng ia Ka Pét, tơring glông Hàm Thuận Nam, tơring čar Bình Thuận...

Ƀơi mông jơnum anai, Ƀirô khua pơ ala mơnuih ƀon sang sem lăng tơlơi lăi pơthâo mơng Kơnuk kơna kơ bruă pơhrua tui boh than ngă kơčăo bruă bơwih ƀong huă - mơnuih mơnam hăng prăk kơnuk kơna; pơsit prăk mă yua amăng thun 2021. Khua git gai pơ ala mơnuih ƀon sang dêh čar lăi, hơdôm blan akŏ thun 2023, tơlơi bơwih ƀong dêh čar ta hơđong, tơlơi soh pơđĭ nua gơnam ča čot hơmâo pơgăn mơn, djru ba tơlơi hơdip mơda bơwih ƀong huă mơnuih ƀon sang hơđong mơn.