Khua git gai pơ ala mơnuih ƀôn sang dêh čar ơi Vương Đình Huệ lăi rơđah, jơnum lok 31, Jơnum min apăn bruă git gai pơ ala mơnuih ƀôn sang pơgôp hiăp kơ tơlơi lăi pơthâo glăi, pơhmư̆ tơlơi pơgôp hiăp hăng 7 Tơlơi phiăn, anun lĕ: Tơlơi phiăn plơi prong jưh jom (pơkra glăi); Tơlơi phiăn pơplih pơkra, pơhrua tui hơdôm tơlơi mơ̆ng Tơlơi phiăn juă nua gơnam; Tơlơi phiăn anom bruă Sang phat kơđi (čih pơkra glăi); Tơlơi phiăn Jơlan nao rai; Tơlơi phiăn hơđong rơnuk rơnua jơlan glông; Tơlơi phiăn Boh thâo măi mok pơkra gơnam gah ling tơhan, wai lăng rơnuk rơnuahăng pơtrut pơsur bruă pơkra măi mok; Tơlơi phiăn Hră pơhlôm nua mơnuih mơnam (pơkra glăi).

Khua git gai pơ ala mơnuih ƀôn sang dêh čar brơi thâo, tơlơi lăp đing nao amăng mông jơnum lĕ Jơnum min apăn bruă git gai pơ ala mơnuih ƀôn sang amra tơña hăng lăi glăi tơlơi tơña. Khua ding jum prăk kăk Hồ Đức Phớc hăng Khua ding jum pơtom hiăp Bùi Thanh Sơn amra lăi pơthâo dua mơta bruă phun gah prăk kăk hăng pơtom hiăp.